国王的新楼(上) (第1/1页)

    在不久嘅将来，一个遥远嘅银河系??

    电动门打开，一对配合黑sE长袍摇摆节奏向前踏出步伐嘅黑sE长靴行入室内。

    对於呢个好似同黑暗完全融为一T，但又能够喺黑暗中展现出完整轮廓，堪称为黑暗同恐怖喺人类世界嘅代言人，啱啱行入房间内就令到整个房间嘅温度好似跌到零度一样，每一个人都好似立即结咗冰，就连大气都唔敢透一口。

    「呼、呼～～」

    由佢黑sE面罩上嘅扬声器传出嘅沈重呼x1声，就好似暴风雪吹起嘅寒风刺痛住室内每个人嘅听觉神经。

    「LordVader」一位身穿高级军官服饰嘅中年人第一个勇敢破冰上前迎接恐怖大王嘅来临。

    「有咩新发现？」经过声音处理器传出嘅无机质声音，令军官有一刹那以为自己面前嘅系一个礼仪机器人，不过佢好清楚，机器人无可能散发出能令自己接近窒息嘅压迫感。

    「喺一个边境星系，发现有叛军出没嘅行踪，」军官一边压下心里嘅紧张，一边打开面前嘅星系图，不断将坐标修正到自己所指嘅星系，然後继续进行汇报：「不过其中一个系居住密度好高嘅星球，人口稠密而且阶层结构复杂，追查方面会有困难??」

    「帮我联络负责嗰一区嘅行政官。」几下沈重嘅呼x1声过後，一道冷冷嘅命令由扬声器传出。

    「大人，属下已经联络咗佢，佢已经喺通讯器前候驾传召。」军官为自己嘅妥善处理得意洋洋地回应。

    「将通讯影像打开。」唔知道黑暗嘅化身有冇留意到下属嘅演技，只系冷冷转身去到全息通讯影像产生装置面前。

    通讯影像好快就打开，影像入面随即出现一个神情猥琐但着得身光颈靓嘅臃肿老伯。

    「Vader大人??」虽然只系全息影像，但见到黑暗嘅化身企喺自己面前，肥老伯已经肴哂底。

    「叛军捉到未？」

    「大人，叛军好狡滑，不过我哋已经加紧追查，好快就会有好消息??」

    「好快即系几时？」

    「我??我已经吩咐咗手下加紧追查??相、相信短时间内就会有消息??」肥老伯feel到气氛有啲唔妥，不断用衫袖擦面上好似猪油咁标出嚟嘅汗水，而且紧张到剩系识重复同一个答案。

    黑暗嘅化身冇再出声，只见佢举起右手放喺面前，好似空气中有件睇唔到嘅物件b佢揸住一样，与此同时，全息影像中嘅肥老伯突然变得面容扭曲，双手捉住自己条颈，就好似b人掐住条颈咁变得透唔到气。

    企喺Vader大人同埋肥老伯身边嘅手下见到呢个情景都显得有啲慌张，传闻Vader大人嘅原力修为深不可测，甚至b皇帝陛下更厉害，但估唔到超越遥远嘅星系，佢嘅原力都有咁嘅威力，如果唔系亲眼所见都唔敢相信。

    「帝国唔需要垃圾，皇帝陛下需要嘅系高效嘅管治，睇嚟你无法胜任咁重要嘅工作，我而家宣布你嘅任期正式完结。」

    唔驶一阵，肥老伯就断咗气，跌咗落地。

    然後，Vader大人指住原本企喺肥老伯身边嘅瘦削手下，同佢讲：「由而家开始你就系新嘅行政官，我要尽快知道叛军嘅消息，唔好再要我等。」

    「遵命，Vader大人。」新行政官蛇头鼠眼嘅面上浮现出狼狈又紧张嘅表情，战战兢兢咁临危受命。